Өзгөчө кырдаалдар министрлиги бүгүн, 1-августта, Бишкек шаарында жана Чүй өрөөнүндө катуу шамал болушу мүмкүндүгүн эскертти.

Синоптиктердин маалыматына ылайык, жакынкы бир саат аралыгында жана кечинде аймакта күн күркүрөп, батыштан соккон шамалдын ылдамдыгы секундасына 15–20 метрге жетиши мүмкүн.

Адистер мындай аба ырайы элдин коопсуздугуна коркунуч жаратышы мүмкүн экенин айтып, жарандарды коопсуз жайларда болууга жана шамал учурунда сак болууга чакырууда.

Эгер кандайдыр бир өзгөчө кырдаалга туш болсоңуз, дароо “112” номуруна кайрылуу зарыл. Чалуу акысыз жана күнү-түнү кабыл алынат.