АКШ президенти Дональд Трамп 69 мамлекетке, аймакка жана Европа Биримдигине карата жаңы импорттук төлөмдөрдү киргизген бир нече жарлыкка кол койду.

Маалыматка ылайык, бул жаңы тарифтер жети күндөн кийин күчүнө кирет. Ал эми Канада үчүн дароо күчүнө кирет.

Төлөмдөрдүн көлөмү ар бир мамлекет үчүн ар башка, 10%дан 41%га чейин белгиленген.

Канадага карата импорттук төлөмдөр 25%дан 35%га чейин жогорулатылган. Эң жогорку бажы тарифи Сирияга (41%) карата киргизилсе, эң төмөнкү тариф Улуу Британияга (10%) карата киргизилген.

Мындан тышкары Казакстан үчүн 25%, ал эми Түркия үчүн 15% деп белгиленген.