Ушул жылдын январь-июнь айларында айыл чарба тармагынан мамлекеттик бюджетке 563,4 млн сом салык түштү. Бул тууралуу Салык кызматы билдирди.

Маалыматка ылайык, бул көрсөткүч өткөн жылдын ушул мезгилине салыштырмалуу 76 млн сомго көп.

Салык кызмаы акыркы беш жылда өлкөдо айыл чарбадан түшкөн салык 4 эсеге өскөнүн билдирди:

• 2020-жылы — 261,07 млн сом;
• 2021-жылы — 325,7 млн сом;
• 2022-жылы — 507,7 млн сом;
• 2023-жылы — 818,8 млн сом;
• 2024-жылы — 1 млрд 40 млн сом.