«Кыргыз Агрохолдинг» ачык акционердик коому Чүй агроөнөр жай аймагында тазалоо курулмаларынын комплексин куруу боюнча келишимге кол койду. Бул комплекс агын сууларды тазалоо аркылуу айлана-чөйрөгө болгон жүктү азайтууга багытталган.

Ошондой эле ал мал чарба продукцияларын (эт, тери, желатин, субпродуктылар) кайра иштетүүгө шарт түзөт.

Долбоорду China Road компаниясы ишке ашырат. Ал объектинин долбоорун иштеп чыгуу, жабдууларды жеткирүү, монтаждоо жана курулуш иштерин жүргүзөт.

Долбоор аймактын инфраструктурасын чыңдоо, өндүрүштүн коопсуздугун жана экологиялык туруктуулукту камсыздоо, ошондой эле инвестициялык жагымдуулукту арттыруу максатында ишке ашырылууда.