Жазаларды аткаруу мамлекеттик кызматынын Күзөт жана коштоо департаментине 81 миллион сомдук заманбап жабдуулар жана атайын техникалар тапшырылды.

УКМКнын маалыматына ылайык, иш-чара Эгемендүүлүк күнүнүн 34 жылдыгына арналган.

Салтанатка Министрлер Кабинетинин Төрагасынын орун басары, УКМК Төрагасы К.К.Ташиев жана ЖАМК Төрагасы Ч.Э. Кожошев катышты.

Төмөнкүлөр жабдуулар тапшырылды:

• 14 даана атайын техника
• 191 видеобайкоо камерасы
• 9 квадрокоптер (дрон)
• 450 боди-камера (видеорегистратор)

Камчыбек Ташиев кызматкерлердин материалдык-техникалык шарттарын жакшыртуу жана турак-жай менен камсыз кылуу зарылдыгын белгилеп, коррупциялык көрүнүштөргө жол бербөө боюнча эскертүү жасады.

“Жаңы жабдуулар Күзөт жана коштоо департаментинин ишин жакшыртып, кызматкерлердин коопсуздугун камсыздайт жана мекемелердеги тартипти күчөтөт”,-деп айтылат маалыматта.