Өзгөчө кырдаалдар министрлиги Чүй дарыясынын жээгиндеги кооптуу тилкелерди бекемдөөдө. Иштер Сокулук районунун Төмөнкү-Чүй жана Аламүдүн районунун Сүймөнкул Чокморов айыл аймактарындагы дарыянын агып өткөн жерлеринде жүрүүдө. Иш-чаранын максаты жээктин эрозиясын токтотуу болуп саналат.

Министр Канатбек Чыныбаев жана Чүй облусунун губернатору аталган аймактардагы дарыянын Кыргызстан тарабындагы жээктеринин абалын көрүп чыгышты. Текшерүүнүн жыйынтыгында тиешелүү тармактарга жээктерди бекемдөө иштерин күчөтүү тапшырмасы берилди.

Бул чаралар айдоо талааларын коргоого жана калк жашаган аймактарга зыян келтирүүнү алдын алууга багытталган.