Гулистондо КМШ өлкөлөрүнүн борбордук банктарынын кызматкерлерин кесиптик даярдоого арналган Координациялык кеңештин жыйыны өттү. Бул тууралуу Тажикстандын Улуттук банкынын басма сөз кызматы маалымдады.

Маалыматка ылайык, иш-чара Тажикстандын Улуттук банкынын окуу борборунда өткөн. Ага Кыргызстандын, Орусиянын, Армениянын, Беларустун, Казакстандын жана Тажикстандын борбордук банктарынын кызматкерлерин катышып, кеңештин ишинин жыйынтыктарын талкуулап, алдыдагы жылдарга артыкчылыктуу багыттарды аныкташкан.

Жыйында 2024-жылдагы окуу программасынын жыйынтыгы чыгарылып, анын алкагында борбордук банктардын адистери каржылык жөнгө салуунун актуалдуу маселелери боюнча терең билим алышканы белгиленген. Ошондой эле 2025-жылдын алгачкы алты айындагы иштин жыйынтыктары каралып, 2026-жылга иш-чаралар планы бекитилген.