Москвадагы Бүткүл россиялык элдик чарба көргөзмөсүндөгү (ВДНХ) «Кыргызстан» павильону ачылганына бир жыл толду. Бул убакыт ичинде ал жерге 370 миңге жакын киши барганын көргөзмө комплексинин администрациясы билдирди.

Тарыхый имарат 2024-жылдын 19-сентябрында кеңири реставрациядан кийин ачылган. Учурда павильондо Кыргызстандын көргөзмө-соода борбору жайгашып, конокторго жергиликтүү өндүрүшчүлөрдүн продукциялары, сувенирлер, идиш-аяктар, этникалык стилдеги сүрөттөр жана дизайнерлердин кийимдери сунушталууда. Ошондой эле кыргыз тамак-аш азыктары да сатылат.

Маалымат үчүн: имарат 1954-жылы курулуп, федералдык маанидеги маданий мурас объектиси болуп эсептелет.

Эске салсак, эртең, 19-сентябрда, «Кыргызстан» мейманканасында Кыргыз Республикасынын Эл артисти Ырыскелди Осмонкуловдун концерти өтөт.