Кыргызстанда алимент төлөбөгөн 1 204 жаран издөөгө алынган. Бул тууралуу Сот аткаруучулар кызматы Кыргызстананын директору Жыргалбек Курманбеков Жогорку Кеңештин жыйынында билдирди.

Анын маалыматына ылайык, өлкөдө жалпысынан алимент өндүрүү боюнча 60 720 аткаруу өндүрүшү бар.

Буга чейин ички иштер органдарында көп жылдар бою каралып келген алимент өндүрүү боюнча материалдар райондук прокуратуралардын көзөмөлүнө алынган. Учурда алар боюнча сотко чейинки текшерүүлөр жүргүзүлүп, алимент толук төлөнбөгөн учурларда кылмыш иштери козголууда.

Калган иштер боюнча алименттер мыйзам талаптарына ылайык, тактап айтканда 178-беренеге ылайык толук көлөмдө төлөнүп жатат.