Бишкекте үчүнчү “Евразия” социалдык дүкөнүнүн салтанаттуу ачылышы болуп өттү. Дүкөн Акматбек Сүйүмбаев көчөсү 17/Москва көчөсү 7 дареги боюнча иштеп, калктын социалдык жактан аярлуу катмары — пенсионерлер, көп балалуу үй-бүлөлөр, майыптар жана ардагерлер үчүн эң керектүү товарларды жеткиликтүү баада сунуштайт.

Учурда Бишкекте “Евразия” социалдык дүкөндөрү төмөнкү даректерде иштейт:

Токтогул көчөсү 146/1

Асанбай кичи району 8/3

Акматбек Сүйүмбаев көчөсү 17/Москва көчөсү 7

Дүкөндөрдүн максаты — эң керектүү товарларды арзан баада сунуштоо жана социалдык жактан аз камсыз болгон адамдардын жашоо шарттарын жакшыртуу. Сатып алуулар үчүн жекелештирилген социалдык карта талап кылынат. Карта алуу үчүн анкета толтуруп, жеке маалыматтарды тапшыруу керек.

Ачылышка катышкан расмий өкүлдөр долбоордун маанисин жана популярдуулугун белгилешти. Евразия уюму дүкөндөр тармагын мындан ары кеңейтүүгө жана жергиликтүү өндүрүүчүлөр менен кызматташууга ниеттенип жатканын билдирди.