Жогорку Кеңеш министрлер кабинетинин төрагасы демилгелеген «Геодезия, картография жана мейкиндиктик маалыматтар жөнүндө» мыйзам долбоорун үчүнчү окууда кабыл алды.

Документ геоинформациялык системалар жана технологиялар сыяктуу жаңы түшүнүктөрдү киргизет, ошондой эле бул тармактагы мамлекеттик органдар менен жергиликтүү өз алдынча башкаруу органдарынын ыйгарым укуктарын тактайт.

Мындан тышкары, мыйзам мамлекеттик органдардын муктаждыктары үчүн карталар жана мейкиндиктик маалыматтар менен иштөөдө мамлекеттик фонддогу маалыматтарды жана бирдиктүү электрондук картографиялык базаны колдонууга милдеттендирет.