2026-жылдан тарта Кыргызстанда 773 айылда таза суу долбоорлорун ишке ашыруу пландалууда. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.

Мекеменин маалыматында, учурда 120 айылда курулуш-монтаждоо жумуштары жүрүп жатат. 229 айыл боюнча долбоордук-сметалык документтер даярдалууда. Мындан тышкары, 27 айылда курулуш жумуштарына сатып алуулар жана тендерлер өткөрүлүүдө.

Документтерди топтоо жана долбоорлоого даярдык көрүү иштери 219 айылда жүрүүдө. Анын ичинен 95 айылда тийиштүү иш-кагаздар толугу менен топтолуп бүттү. Ошондой эле 177 айылда техникалык-экономикалык негиздемелерди даярдоо баскычы жүрүп жатат.