Республика боюнча өткөн аптада жол эрежелерин бузган 23 654 факт катталды. Бул тууралуу Ички иштер министрлигинин Жол кыймылынын коопсуздугун камсыздоо башкы башкармалыгынын (ЖКККББ) басма сөз кызматы кабарлады.

3–9-ноябрь күндөрү өлкө аймагында жүргүзүлгөн иштер боюнча автоинспекторлор төмөнкүлөрдү билдирди:

— 1 878 протокол автоунааны керектүү документтерсиз башкарган айдоочуларга жазылды;
— 309 протокол мас абалда авто башкарган айдоочуларга түзүлдү;
— 138 айдоочу автоунаанын айнектерин мыйзамсыз караңгылатканы үчүн жоопко тартылды;
— 762 протокол жөө жүргүнчүлөр катышкан жол эрежелерин бузгандарга түзүлдү;
— 3 256 протокол транспорт каражаттарын колдонуу эрежелерин бузгандарга жазылды;
— 24 айдоочу автохулигандык үчүн айып салынды;
— 3 387 протокол ылдамдыкты ашырган айдоочуларга түзүлдү;
— 5 протокол жасалма мамлекеттик номур менен авто башкаргандарга жазылды;
— 10 694 протокол башка жол эрежелерин бузгандарга түзүлдү.

Өткөн апта ичинде жалпы 3 201 автоунаа штраф токтоочу жайга киргизилди.

ЖКККББ бардык айдоочуларды жана жөө жүргүнчүлөрдү жол эрежелерин так сактоого чакырат.