Мамлекеттик салык кызматы рейддик салыктык контролдун жүрүшүндө жарактуулук мөөнөтү өтүп кеткен кондитердик азыктарды алып кирүү фактысын аныктады.

Текшерүү учурунда жүк ташуучу унаадан мөөнөтү өткөн 4 миң 179 куту таттуу табылган. Жүктүн иш жүзүндөгү салмагы 11 тоннаны түзгөнү менен, коштоочу документтерде 7 тонна деп көрсөтүлгөн.

Мындан тышкары, текшерүүдө суукка каршы кошулмалар, тездеткичтер, гидроизоляциялык материалдар, боёктор, грунттар жана арматуралар бар экени аныкталган.

Бул факт боюнча салык кызматкерлери тарабынан тиешелүү актылар түзүлүп, автотранспорт каражаты пломбаланып, убактылуу токтотуучу жайга киргизилди. Материалдар мыйзамдарга ылайык чара көрүү үчүн укук коргоо органдарына өткөрүлүп берилди.