Аманкан Кенжебаев президенттин Ош облусундагы ыйгарым укуктуу өкүлү болуп дайындалды. Бул тууралуу президенттин басма сөз кызматы билдирди.

Тиешелүү жарлыкка өлкө башчы Садыр Жапаров кол койгон.

58 жаштагы Кенжебаев 2005-жылы Жусуп Баласагын атындагы Кыргыз улуттук университетин «экономист» адистиги боюнча бүтүргөн. Ал буга чейин эки жолу Сокулук районунун акими, ошондой эле Ош облусунун Кара-Кулжа районунун акими кызматтарында иштеген.

2021-жылы Жогорку Кеңештин 7-чакырылышынын депутаты болгон. 2022-жылдан тартып Жогорку Кеңештин Агрардык саясат, суу ресурстары, экология жана регионалдык өнүктүрүү боюнча комитетинин төрагасы болгон.

Мөөнөтүнөн мурда өткөн парламенттик шайлоодо №19 шайлоо округунан талапкер болуп чыккан.

Эске салсак, президенттин Ош облусундагы өкүлү Элчибек Жантаев өзүнүн кызматынан бошотулуп, Мамлекеттик кызмат жана жергиликтүү өз алдынча башкаруу агенттигинин директору болуп дайындалды.