БМУнун алдындагы профессор Кусейин Исаев атындагы Коомду изилдөө борборунун 2025-жылга карата жыйынтыктоочу социологиялык иликтөөсүнүн жүрүшүндө Кыргызстандын жарандары өлкө жашоосундагы эң маанилүү окуяларга баа беришти. Респонденттердин 64%дан ашыгы өткөн жылдын жыйынтыгын оң баалады, алардын ичинен 17%ы жылды «абдан ийгиликтүү», ал эми 47,7%ы — «жалпысынан жакшы» деп атады.

Сурамжылоого катышкандардын пикири боюнча, жылдын негизги жетишкендиктери төмөнкүлөр болду:

• Инфратүзүмдүк объекттерди (мектептерди, ооруканаларды, бала бакчаларды, стадиондорду) куруу — 54,7%;
• Жол курулушу — 29,3%;
• Жаңы заводдорду жана ишканаларды ишке киргизүү — 19,2%;
• Коррупция жана мыйзамсыз менчиктештирүү менен күрөшүү — 16,2%;
• Мамлекеттик чек ара маселелерин чечүү — 13,2%.

Сурамжылоонун катышуучуларынын 7%ы гана жылдын жыйынтыгына терс баа берип, 2025-жылды «кыйын» же «өтө оор» деп мүнөздөшкөн.