УКМК Кыргызстандын аймагына синтетикалык баңги заттарды жеткирүү каналына бөгөт койгонун билдирди.

Атайын кызматтын маалыматында, 8-февралда жүргүзүлгөн ыкчам тергөөнүн натыйжасында Казакстандын жараны салмагы 5 кг болгон синтетикалык баңгизат менен кармалды.

Учурда шектүү УКМКнын тергөө абагына камакка алынды. Учурда баңгизат каналынын уюштуруучуларын аныктоого багытталган кошумча тергөө иштери жүргүзүлүүдө.

Баңги каражаттарын, психотроптук заттарды жана алардын аналогдорун мыйзамсыз жүгүртүү үчүн мүлкүн конфискациялоо менен 15 жылга чейинки мөөнөткө эркинен ажыратуу жазасы каралган.