Microsoft AI Diffusion Report баяндамасынын маалыматы боюнча, 2025-жылдын экинчи жарымында генеративдик жасалма интеллектти активдүү колдонгон Кыргызстан тургундарынын үлүшү 8,2%ды түзгөн. Жарым жыл ичинде көрсөткүч болгону 0,7%га өскөн, бул дүйнөлүк орточо деңгээлден (16,3%) кыйла төмөн. ЕАЭБ жана Борбор Азия өлкөлөрүнүн арасында жогорку көрсөткүчтөрдү Казакстан (13,7%; өсүш +1,1%), Беларусь (8,4%; өсүш +0,8%) жана Орусия (8%; өсүш +0,4%) көрсөтүүдө. Армения менен Өзбекстан тиешелүүлүгүнө жараша 6,6% жана 6,3% менен аймактык рейтингдин төмөнкү бөлүгүндө калууда.

Жасалма интеллектти киргизүү боюнча дүйнөлүк лидерлер болуп БАЭ (64%), Сингапур (60,9%) жана Норвегия (46,4%) саналат, ал эми АКШ (28,3%) жана Германия (28,6%) сыяктуу ири экономикалар төмөнкү позицияларды ээлеп турат. Ошол эле учурда глобалдык деңгээлде ар бир алтынчы чоң адам контент жаратуу, милдеттерди автоматташтыруу же билим алуу үчүн генеративдик жасалма интеллект технологияларын колдонот.