Суу ресурстары, айыл чарба жана кайра иштетүү өнөр жайы министри Бакыт Төрөбаев эл аралык каржы институттарынын жана дипломатиялык корпустун өкүлчүлүктөрүнүн жетекчилери менен сүйлөшүүлөрдү өткөрдү. Жолугушуу республиканын ирригациялык тармагына келечектүү инвестиция салуу маселелерине арналды.

Диалогдун катышуучулары сектордун учурдагы инвестициялык муктаждыктарын талдап, суу ресурстарын башкаруудагы глобалдык чакырыктарга каршы туруу ыкмаларын талкуулашты. Кызматташтыктын негизги багыттары катары ирригациялык инфраструктураны модернизациялоо, сууну эсепке алуунун санариптик системаларын киргизүү жана тармактардын климаттык өзгөрүүлөргө туруктуулугун жогорулатуу аныкталды.

Кеңешменин жүрүшүндө тараптар Дүйнөлүк банк, ЕӨБ, Азия жана Ислам өнүктүрүү банктары тарабынан каржыланган учурдагы программаларды ишке ашыруунун статусун карашты. Бакыт Төрөбаев эл аралык өнөктөштөр менен биргелешкен иш ресурстарды башкаруунун заманбап ыкмаларын киргизүүгө жана сугат жерлерди суу менен камсыздоону жакшыртууга мүмкүндүк бергенин белгиледи.

Сүйлөшүүлөрдүн жыйынтыгында суу чарбасын масштабдуу жаңылоо өлкөнүн туруктуу социалдык-экономикалык өнүгүүсүнүн негизги фактору экени баса белгиленди. Кыргызстандын өкмөтү стратегиялык маанилүү суу долбоорлоруна капитал тартуу үчүн донорлор менен өз ара аракеттенүүнүн конкреттүү механизмдерин иштеп чыгууну улантуу ниетинде.