Бүгүн, 2-февралда, Ош облустар аралык бириккен клиникалык ооруканасынын төрөт стационары капиталдык оңдоп-түзөөдөн кийин ачылды. Аны оңдоого мамлекеттик бюджеттен 87 млн 900 миң сом бөлүнгөн.

Стационардын төмөнкү бөлүмдөрү толугу менен жаңыланды:

• «Эне жана бала» бөлүмү;
• Операциялык блок;
• Чоңдор жана балдар үчүн жандандыруу бөлүмдөрү;
• Кош бойлуулардын патологиясы бөлүмү;
• Борборлоштурулган стерилизация бөлүмү;
• Клиникалык-диагностикалык лаборатория жана амбулатордук бөлүм.

Мындан тышкары, 3 млн 855,7 миң сомдук борборлоштурулган кислород берүүчү станция ишке киргизилди.

Ош облустук төрөт үйү 1968-жылы ачылган. Бул медициналык мекеме ачылгандан бери биринчи жолу капиталдык оңдоодон өткөрүлдү.