28-январда Ысык-Көл облусунун Жети-Өгүз районунун Чырак айылында жайгашкан Т. Акун атындагы мектепте дене тарбия мугалими 8-класстын төрт окуучусуна кол көтөргөн. Бул окуя боюнча Ысык-Көл ОИИБ жана Агартуу министрлиги расмий маалымат берди.

Териштирүү учурунда 30 жаштагы мугалим Ж.К. дин сабагы учурунда төрт окуучуну тактага чыгарып, кол көтөргөндүгү аныкталган. Окуя боюнча окуучулардын биринин ата-энеси милицияга арыз менен кайрылган.

Кийинчерээк окуучулардын ата-энелери мугалимге карата арыз-доосу жоктугун билдирип, соттук-медициналык экспертизадан өтүүдөн баш тартышкан. Мугалим Укук бузуулар жөнүндө кодексинин “Уруп-сабоо” беренеси менен жоопкерчиликке тартылган.

Агартуу министрлиги бул көрүнүштү балдарга карата жасалган зомбулук жана педагогикалык этиканын одоно бузулушу катары баалады. Учурда министрлик Ички иштер министрлиги менен биргеликте окуянын жагдайларын териштирүүнү улантууда.

Посмотреть эту публикацию в Instagram

Публикация от Reporter.kg (@reporter_kg)