.svg){kind=logo}
Садыр Жапаров Мамлекеттик күзөт кызматын УКМКнын курамынан чыгарып, аны түздөн-түз президентке баш ийдирдиКыргызстандын Чек ара кызматы УКМКнын курамынан чыгарылдыПрезиденттин администрациясы УКМК жетекчилигиндеги кадрдык чечимдер боюнча түшүндүрмө бердиПарламент ЖК спикери Нурланбек Тургунбек уулу кызматынан кетет деген маалыматты төгүндөдүРустам Мамасадыков Коопсуздук кеңешинен кетти жана УКМК төрагасынын биринчи орун басары болуп дайындалдыЭкономика эмес, идеология. Жогорку Кеңештин төрагасы Түркияга эмне максат менен барды?
Ноокенде «Хизб ут-Тахрир» диний-экстремисттик уюмунун аял мүчөлөрү кармалды
06.02.2026 | 10:02
Жалал-Абад облусунун Ноокен районунда «Хизб ут-Тахрир аль-Ислами» диний-экстремисттик уюмунун аялдар канатынын мүчөлөрү аныкталып, кармалды.
УКМКнын маалыматында, аталган топтун мүчөлөрү тигүүчүлүккө окутуу шылтоосу менен жаш аялдарды ишке тартып, аларга уюмдун идеологиясын жайылтып келишкен. Топтун лидерлери жабык Telegram каналдары аркылуу экстремисттик адабияттарды таратып, Кыргызстанда халифат түзүү маселелерин талкуулашкандыгы аныкталган.
Шектүүлөрдүн жашаган даректерин тинтүү учурунда тыюу салынган адабияттар, электрондук каражаттар табылып алынган.
Уюмдун аялдар канатынын беш мүчөсү кармалып, УКМКнын тергөө абагына киргизилди. Учурда тергөө иштери улантылууда.
Рубрики: Жаңылыктар, Окуялар
