Бүгүн, 4-мартта, жарандарды мекенине кайтаруу иштеринин алкагында Жидда – Бишкек жана Жидда – Ош багыттары боюнча эки репатриациялык авиакаттам уюштурулду. Бул тууралуу Тышкы иштер министрлиги билдирди.

Маалыматка ылайык, Жидда – Бишкек багыты менен 90 жаран, ал эми Жидда – Ош багыты менен 120 жаран келе жатат. Учактар Бишкек жана Ош шаарларына болжол менен саат 16:00 чамасында конору күтүлүүдө.

Тышкы иштер министрлиги жарандарды кайтарууну камсыз кылуу боюнча иштерди улантарын билдирди.

Буга чейим мекеме Сауд Арабиясынан жарандарды алып келүү үчүн макулдашууларга жетишилгенин, анын алкагында, төмөнкү багыттар боюнча каттамдар туруктуу негизде аткарыларын билдирген:

• Бишкек шаарына — шаршемби, жума жана жекшемби күндөрү;
• Ош шаарына — дүйшөмбү, шаршемби жана жума күндөрү.