Жогорку Кеңештин депутаты Илимбек Кубанычбеков Кыргызстан, Кытай жана Өзбекстандын ортосундагы эл аралык жүк ташуулар боюнча үч тараптуу келишимдин алкагында ата мекендик жүк ташуучулар үчүн тобокелчиликтер жаралып жатканын билдирди.

Посмотреть эту публикацию в Instagram

Публикация от Reporter.kg (@reporter_kg)

Анын айтымында, ага Кытай багытында иштеген кыргызстандык оор жүк ташуучу унаалардын айдоочулары кайрылышкан. Депутат белгилегендей, бул тармакта болжол менен 4,6 миң айдоочу эмгектенет. Алар үч тараптуу ташуулар механизми киргизилип, Өзбекстан менен өзүнчө уруксат кагаздары жоюлгандан кийин коңшу өлкөлөрдүн айдоочулары жөнөкөйлөтүлгөн шартта каттамдарды аткара баштаганына тынчсызданышууда. Бул атаандаштыкты күчөткөнүн белгилешкен.

Депутат белгилегендей, кыргызстандык жүк ташуучулар буйрутмасыз калып, тиешелүүлүгүнө жараша кирешесинен ажырап калуу коркунучунда. Айдоочулар ошондой эле алардын көпчүлүгүнүн насыялары бар экенин айтып, жумушсуз калуу олуттуу социалдык кесепеттерге алып келиши мүмкүн экенин билдиришкен.

Мындан тышкары, Кубанычбеков белгилегендей, жүк ташуучулар бул тармак өлкө экономикасына миллиондогон доллар киреше алып келерин айтып, учурдагы абал бул түшүүлөргө терс таасирин тийгизиши мүмкүн деп эсептешет.

Ушуга байланыштуу депутат тиешелүү мамлекеттик органдарды бул маселеге көңүл буруп, ата мекендик жүк ташуучулардын кызыкчылыктарын коргоо жана жаралган көйгөйлөрдү чечүү боюнча чараларды көрүүгө чакырды.