Ноокен районунда жайлоодон 14 жаштагы баланын жансыз денеси табылды. Анын сөөгүн жергиликтүү тургундар табышкан. Бул тууралуу Өзгөчө кырдаалдар министрлигинин маалымат кызматынан билдиришти.
Маалыматка ылайык, 26-июнь күнү саат 19:00 чамасында 2006-жылы туулган бала Тоскоол-Ата токой чарбасынын Беш-Теке жайлоосундагы кошунасыныкына чыккан бойдон дайынсыз болгон. 2-4-июль күндөрү куткаруучулар тарабынан издөө иш-чаралары жүргүзүлгөн, бирок натыйжа болгон эмес.
8-июль күнү жергиликтүү тургундар тарабынан маркумдун жансыз денеси жайлоодон табылган. Баланын жансыз денесин алып келүү үчүн ӨКМнин куткаруучулары менен ИИМден 3 кызматкер чыгып кеткен.
