Саламаттык сактоо министри Сабиржан Абдикаримов сакайып, жумушка чыкты. Бул тууралуу аталган министрликтин басма сөз кызматынан билдирди.
Маалыматка ылайык, министр бейтапканадан чыккандан кийин бир жума дагы үйүндө карантинде болгон. Ал жок учурунда анын милдети министрдин орун басары Мадамин Каратаевге жүктөлгөн.
Белгилей кетсек, Сабиржан Абдикаримов пневмонияга чалдыккан, ал эми министрдин дагы бир орун басары Нурболот Үсөнбаевде коронавирус инфекциясы аныкталган. Эки аткаминер тең Республикалык жугуштуу ооруларды дарылоо ооруканасында дарыланышкан.
