Назарали Арипов Шайлоо жана референдум өткөрүү боюнча борбордук комиссиясынын мүчөсү кызматынан кетти. Бул тууралуу Борбордук шайлоо комиссиясынын басма сөз кызматы билдирди.
Ал мындай чечимди «Республика» саясий партиясынын тизмесинен Жогорку Кеңештин депутаттыгына талапкерлигин коё тургандыгына байланыштуу кабыл алган.
24-августта БШКнын отурумунда Арипов мурдагы кесиптештерине биргелешип иш алып барышканына ыраазычылык билдирди.
