Алдамчылыкка айыпталып мамлекеттер аралык издөөгө алынган 3 кыргыз жараны Орусиядан кармалды. Бул тууралуу ИИМдин басма сөз кызматынан билдирди.
Маалыматка ылайык, Жалал-Абад облусунун 41 жаштагы Б.А. аттуу тургуну Кылмыш-жаза кодексинин (эски редакция) 182-беренесинде («жалган ишкерчилик») көрсөтүлгөн кылмышты жасагандыгы үчүн 2018-жылдын аягында Финпол тарабынан издөө жарыяланган.
Ошондой эле Чүй облусунун 60 жаштагы А.Г. аттуу тургуну Кылмыш-жаза кодексинин (эски редакция) 166-беренесинин 2-бөлүмүндө («ири өчөмдө жасалган алдамчылык») көрсөтүлгөн кылмышты жасагандыгы үчүн 2013-жылдан бери Москва РИИБи тарабынан издөөдө жүргөн.
Ошондой эле Чүй облусунун 29 жаштагы И.И. аттуу жашоочусу Кылмыш-жаза кодексинин (эски редакция) 166-беренесинин 2-бөлүмүндө («ири өчөмдө жасалган алдамчылык») көрсөтүлгөн кылмышты жасагандыгы үчүн 2013-жылдан бери Бишкек шаарынын Свердлов РИИБи тарабынан издөөдө болчу.
Мына ушул 3 адам Орусиянын Москва шаарында кармалган. Учурда аларды Кыргызстанга жөнөтүү маселеси каралууда.
[su_image_carousel source=»media: 40564,40565,40563″ crop=»none» autoplay=»4″]
