“Бир Бол” саясий партиясы өлкөдөгү кырдаал боюнча тынчсыздануусун билдирип, мындан кийин кандай кадамдар жасалышы керектиги тууралуу маалымат таркатты. Аталган партиянын басма сөз кызматы парламент тез арада жыйынга чогулуп, жаңы төраганы шайлоо, президенттин отставкасы менен люстрация тууралуу мыйзамын кабыл алуу, президентти жана парламентти шайлоо күнүн белгилеп, элдик кошуундардын жардамы менен талап-тоноого жол бербөө керектиги тууралуу Интернетке жазды.
Өлкөдөгү мындан кийинки кадамдар тууралуу саясий партиялардын көпчүлүгү пикирин билдире элек.