“Республика” саясий партиясы менен “Социал-демократтар” бирикти деген пикир чындыкка коошпойт. Бул тууралуу депутат Руслан Казакпаев билдирди.
Буга чейин Интернет айдынына түрмөдөн түндө бошотулган мурдагы премьер-министр Сапар Исаков, “Республика” партиясынын депутаты Руслан Казакпаев жана Атамбаевдин тушунда 9-башкармалыкты жетектеп турган Дамир Мусакеевдин чогу отурган сүрөтү жарыяланып, жогорудагы эки саясий партия бирикти деген пикир тараган.
Казакпаев кошумчалагандай, учурда 11 саясий партия өлкөдөгү кырдаал боюнча активдүү сүйлөшүүлөрдү жүргүзүп жатат.