Жогорку Кеңештин экс-спикери Дастан Жумабеков super.kg порталына берген маегинде экс-президент Сооронбай Жээнбековдун кемчилиги коомчулукта айтылган кайрылууларга ошол убакта көңүл бурбай койгону деп атады.

«Ар бир адамдын өзүнүн кемчиликтери болот. Бирок ал өлкөгө каршы кылмыш жасаган эмес. Балким, кемчилик анын айрым кайрылууларга көңүл бурбагандыгында болушу мүмкүн », – деди Жумабеков.

Эске салсак, 2020-жылдын июнь айында экс-спикер маегинде Жээнбеков президент болуп турган учурда анын кемчиликтерин айта алган эмес.

«Сооронбай Шариповичтин артыкчылыгы – ири коррупция менен күрөшүүдө, ошондой эле Кудайдан жана элден корккондугу. Сооронбай Шариповичтен эч кандай кемчилик көргөн жокмун», – деген болчу.