Нарындагы Солтон-Сары алтын кенинин тагдыры жергиликтүү эл чечет. Бул тууралуу Премьер-министр Мухаммедкалый Абылгазиев Өкмөттүн жыйынында билдирди.
Солтон-Сары кениндеги «Zhong Ji Mining Company» компаниясынын ишмердүүлүгү 7-августта убактылуу токтотулган.
Жергиликтүү эл инвесторлорго 84 пункттан турган талап койгон. Эгер компания аларды аткарса анда алтын кендин ишмердүулүгү жанданышы мүмкүн.
Белгилей кетсек, июль айынын соңунда жергиликтүү тургундар Солтон-Сары кенинде иштеп жаткан кытайлык компания ишин токтотсун деген талаптарды койгон. Ошол себептен компаниянын кызматкерлери менен жергиликтүү тургундардын ортосунда жаңжал чыккан.
