Мамлекеттик чек аранын кыргыз-тажик тилкесинде 2-май саат 13: 00гө карата абал туруктуу. Бул тууралуу Улуттук коопсуздук мамлекеттик кызматынан билдирди.
Кыргызстан менен Тажикстандын Коргоо министрлигинин офицерлери чек ара тилкесинен кошумча күчтөрдү жана активдерди алып кетүүнү улантууда.
Бүгүн тараптар Баткен районунун Карабак айыл аймагынын жана Головной суу бөлүштүрүүчү борборунун аймактарын текшерүү боюнча биргелешкен иштерин улантышты. Ушул учурда комиссия Аксай аймагында иштеп жатат.
Кыргыз-тажик мамлекеттик чек арасы аркылуу өткөрүү пункттарында коопсуздукту сактоо максатында жаңжал башталгандан бери адамдардын, автоунаалардын жана товарлардын өтүүсү убактылуу токтотулган.
29-апрелде, тажиктердин абадан кол салуу учурунда Ми-24 тик учагынын Ортобоз айылынын тургунунун үйүнө тийген учак ракетасы бүгүн, 2-майда табылды. Аба ракетасы иштебей калгандыктан, үйдө жашаган үй-бүлө жабыркаган эмес.
Окуя болгон жерде тергөө тобу иштеп жатат.
