Министрлер Кабинетинин төрагасы Акылбек Жапаров белгилегендей, үгүт иштери башталгандан бери 10 күндүн ичинде шайлоо мыйзамдарын бузуу фактыларына жана Президенттин жарлыгы жетиштүү денгээлде аткарылбагандыктан төмөнкүдөй чечимдер кабыл алынды:
— Баткен облусунун Лейлек районунун мамлекеттик администрация башчысы-акими кызмат ордунан четтетилди;
— Исфана шаарынын мэрине сөгүш жарыяланды;
Мындан тышкары, Ош шаарындагы студенттердин үгүт иш-чараларына катышкандыгы үчүн:
— Ош мамлекеттик университетинин педагогика факультетинин деканы Б.Б.Муратбаев жана ошол эле факультеттин 3 окутуучусу кызматтан алынды;
— Ош мамлекеттик университетинин ректору Кудайберди Кожобеков кызматтан алынды;
— Билим берүү жана илим министри Болот Купешевге, Ош шаарынын мэри Алмиаз Мамбетовго сөгүш жарыяланды.
