Агартуу жана илим министрлиги ата-энелерге балдарын 1 же 2-класска кабыл алуу жараяны боюнча маанилүү билдирүү таратты. Министрликтин маалыматына ылайык, бала кабыл алынды деген билдирме алынгандан кийин бир айдын ичинде, тактап айтканда, 4-августтан 5-сентябрга чейин, тиешелүү тастыктоочу документтерди мектепке тапшыруу милдеттүү.

Башталгыч билим берүүнүн 1 же 2-классына кабыл алынган баланын ата-энеси төмөнкү документтерди мектепке өткөрүшү керек:

• Баланын ден соолугунун абалы тууралуу медициналык маалымкаттын түп нускасы (белгиленген формада);
• Бала алган эмдөөлөр тууралуу маалымкаттын түп нускасы (белгиленген формада);
• Баланын 3×4 см өлчөмүндөгү сүрөтү.

Министрлик ата-энелерди мөөнөттү өткөрүп жибербөөгө чакырып, документтерди өз убагында тапшырууну эскертет.