Айыл чарба министрлиги өлкө боюнча 33 миң гектардан ашык жерде зыяндуу чегирткелерге каршы химиялык күрөшүү иштери жүргүзүлгөнүң билдирди.
Маалыматта айтылгандай, ушул жылы зыяндуу чегирткелер биринчи жолу 3-апрелде Жалал-Абад облусунун Ноокен районунда катталган.
Мындан улам өлкө боюнча зыяндуу чегирткелерди аныктоо жана алар менен күрөшүү иштери башталган.
15-майга карата 51 миң 746 гектар жерде чегирткелерди аныктоо боюнча изилдөө жүргүзүлгөн.
Ал эми чегирткелерге каршы химиялык дарылоо өлкө боюнча жалпы 33 миң 310 гектар жерде жүргүзүлгөн.
Министрлик бул иштер Жалал-Абад, Ош, Баткен, Талас жана Чүй облсутарында жүргүзүлүп жатканын маалымдады.
