АКШнын Сенатору Дональд Трамптын тууганы Чарльз Кушнерди Франциядагы элчиликке дайындоого макулдук бергенин Хилл гезити жазды.
«Сенаторлор Кушнердин талапкерлигин 51 макул жана 45 каршы добуш менен бекитүүнү чечишти», — деп жазат басылма.
Азыр отставкадагы юрист Чарльз Кушнер АКШ президентинин күйөө баласы Жаред Кушнердин атасы. 2005-жылы Кушнер шайлоо өнөктүгүнө мыйзамсыз салым кошкон, салык төлөөдөн качкан жана күбөлөрдү бурмалаган деп соттолгон. Жыйынтыгында ал эки жылга эркинен ажыратылды. Трамп аны 2020-жылы кечирген.
