АКШнын Жогорку соту 6-майда Трамптын администрациясына трансгендерлердин армияда кызмат өтөөсүнө тыюу салууга уруксат берген чечим чыгарды. Бул тууралуу ABC News басылмасы жазды.
Жогорку соттун бул чечими аскердик түзүмдөргө трансгендер-аскерлерди кызматтан бошотууга жана трансгендер адамдарды аскердик кызматка кабыл алууну токтотууга жол ачат.
Сот өз чечимине түшүндүрмө берген эмес. Болгону токтом соттор ишти маңыздуу түрдө карап чыгып, аны жокко чыгаруу тууралуу чечим кабыл алганда гана күчүн жоготорун билдирген.
Учурда бул иш АКШнын Тогузунчу округунун Апелляциялык сотунда каралууда.Соттун мүчөлөрү Соня Сотомайор, Елена Каган жана Кетанджи Браун Джексон Трамптын саясатты күчүнө киргизүү боюнча өтүнүчүн четке кагуу керек эле деп билдиришти.
Пентагондун маалыматына ылайык, учурда 4200дөн ашуун аскер кызматкерине «гендердик дисфория» диагнозу коюлган, бул армиянын трансгендер аскерлердин санын эсепке алуу үчүн колдонгон көрсөткүчү. Бирок керектөөчүлөрдүн укуктарын коргоо уюмдарынын айтымында, бул сан мындан кыйла жогору болуп, болжол менен 15 000ге жетет.
