Укук коргоо кызматкерлери коомдук транспортто кызга тийишкен чет элдик жарандын өздүгүн аныкташты. Бул тууралуу Бишкек шаардык милициясынын басма сөз кызматы билдирди.

Буга чейин 14-октябрдын кечинде №4 автобуста чет элдик жаран кыздарды кармалап, алардын бирин сүрөткө тартып алгандыгы маалымдалган. Жүргүнчүлөрдүн бири окуяны телефондун камерасына тартып алган.

Посмотреть эту публикацию в Instagram

Публикация от Reporter.kg (@reporter_kg)

Бул факт Свердлов райондук ИИБинин маалыматтарды каттоо журналына катталган. Тартип бузган адамдын өздүгү аныкталып, ал 37 жаштагы В.И. экени такталган. Ага Укук бузуулар жөнүндө кодекстин «Майда бейбаштык» беренеси боюнча протокол түзүлүп, материалдар сотко жөнөтүлгөн.

Мындан тышкары, Кыргызстандын аймагында жүрүү тартибин бузгандыгы үчүн чет элдик жаран өлкөдөн депортацияланат.