Салык кызматынын кызматкерлери Бишкекте алкоголдук ичимдиктерди мыйзамсыз өндүрүп, таңгактаган кампаны аныкташты.

Мекеменин басма сөз кызматы билдиргендей, имаратты текшерүү учурунда эски үлгүдөгү жана келип чыгышы күмөндүү акциздик маркалар, ошондой эле бош бөтөлкөлөр, капкактар жана популярдуу бренддердин этикеткалары табылган.

Алдын ала маалымат боюнча, даяр продукция борбордогу жергиликтүү базарларга таратылган.

Мамлекеттик салык кызматы жеринде протоколдор түзүлгөнүн, үлгүлөр экспертиза үчүн алынганын, ошондой эле иштин материалдары кошумча иликтөө жана юридикалык баа берүү үчүн укук коргоо органдарына өткөрүлүп берилгенин белгиледи.