“Кыргызавтожол” мамлекеттик ишканасынын маалыматына ылайык, учурда Бишкек – Ош унаа жолунун Төө-Ашуу ашуусунда жана Суусамыр – Талас – Тараз унаа жолунун Өтмөк ашуусунда кар майдалап жаап жатат.

Маалыматта айтылгандай, атайын жол тазалоочу техникалар жолдорду кардан тазалоо жана инерттик материалдарды себүү иштерин жүргүзүүдө.

Жолдор ачык, каттам үзгүлтүксүз жүрүп жатат.

Бул иштерди «Кыргызавтожол-Түндүк» мамлекеттик ишканасынын Жол тейлөө ишканалары күнү-түнү жүргүзүп жатат.