Эдуард Кубатов Министрлер кабинетине караштуу Туризмди өнүктүрүү боюнча мамлекеттик агенттиктин директору болуп дайындалды, дайындоо тууралуу тескемеге президент Садыр Жапаров кол койду. Бул тууралуу КР Президентинин аппаратынын маалыматтык саясат бөлүмү билдирет.

Кубатов 54 жашта. Ал КР Альпинизм жана аскага чыгуу федерациясынын президенти, ошондой эле Индонезиянын Кыргызстандагы ардактуу консулу болуп саналат.

2021-жылдын май айында ал планетанын эң бийик чекити болгон Эверестке чыккан. Спортчу чокуга чыгуу альпинисттерге оңойго турбаганын айтып берген. Экспедицияга аттанган төрт адам каза болгон.

2022-жылы ал Беларусь президенти Александр Лукашенконун колунан мамлекеттик сыйлык алган.