.svg){kind=logo}
Түркия Кыргызстандын выпустил памятную монеталарды “Кароо-кесүү”ЕАЭБдеги өнөр жай өнөктөштүгү: Кыргызстан компьютердик техника өндүрүшүнө кошулдуБишкек абанын булганышы боюнча 32-орунду ээледиДели – Бишкек – Дели багыты боюнча жаңы каттам ачылдыЧүй проспектисинин ЦУМ жактагы бөлүгү 12-декабрда ачылатКамчыбек Ташиев ЦУМдун жанындагы имараттын үчүнчү кабатын бузууну тапшырды
Баланы мектепке Tunduk тиркемеси аркылуу жаздырса болот
26.03.2025 | 16:35
Эми ата-энелер балдарын мектепке Tunduk мобилдик тиркемеси аркылуу жаздырса болот. Бул тууралуу Санариптик өнүктүрүү министрлиги маалымдады.
Тиркеме аркылуу баланы мектепке каттоо процесси 2 этаптан турат.
1-этап 2025-жылдын 2-июнь айына чейин болот. Бул этапта ата-энелер балдарын өздөрү катталган даректеги мектепке жаздырыша алышат. Ал үчүн:
- Tunduk колдонмосун ачып, тизмеден баланы тандоо керек;
- Система көрсөткөн мектепти тандаңыз;
- Окуу тилин тандаңыз;
- Жеке маалыматтарды киргизиңиз (телефон номуру, электрондук почта);
- Мектепке жаздыруу баскычын басыңыз.
Маанилүү: сунушталган мектептер жакпаса, себебин билдирип, баш тартсаңыз болот. Бул учурда билдирме 2-этапка которулат.
2-этап 2025-жылдын 2-июнунан 15-августуна чейин жүргүзүлөт. Бул этапта ата-энелер бош орундар калган мектепти тандап алышса болот. Ал үчүн:
- Жаздыруу үчүн баланы тандаңыз;
- Облус, район же шаарды көрсөтүңүз;
- Тизмеде бар мектепти тандаңыз;
- Окуу тилин тандап, “Мектепке жаздыруу” баскычын басыңыз.
Кошумча маалыматты Билим берүү жана илим министрлигинин расмий сайтынан алса болот: edu.gov.kg
Рубрики: Жаңылыктар, Коом
