Кыргызстанда айыл чарба продукциясын кайра иштетүү секторунда туруктуу оң динамика байкалууда. Акыркы маалыматтарга ылайык, өлкөнүн кайра иштетүү секторунун жалпы көлөмүндө тамак-аш өнөр жайынын (анын ичинде суусундуктарды жана тамеки буюмдарын өндүрүү) үлүшү 18,8%ды түздү.

Алдын ала эсептөөлөр боюнча, 2026-жылдын январь айында эле тармактык ишканалар 8 млрд 91,6 млн сомдук продукция өндүрүшкөн. Физикалык көлөмдүн индекси 113,6%ды түздү (бул 13,6%дык өсүштү билдирет).

Агрардык потенциалды чыңдоо максатында Министрлик 2026-жылга карата план иштеп чыкты. Документ республика боюнча 75 жаңы кайра иштетүүчү ишкананы жана соода-логистикалык борборлорду ишке киргизүүнү карайт.

Бүгүнкү күндө алгачкы төрт объект пайдаланууга берилди:

• Нарын облусу: Нарын районунда бир эле учурда эки өндүрүш ачылды. Жан-Булак айылында ун азыктарынан жарым фабрикаттарды чыгаруучу цех ишин баштаса, Эмгек-Талаа айылында кубаттуулугу айына 4 тоннага чейин жеткен сүттү кайра иштетүүчү ишкана ишке кирди.
• Ысык-Көл облусу: Тоң районунда «Эрдик» ААК курама жем чыгаруучу завод ачты.
• Манас шаары: Бул жерде «Золотой Орех» ЖЧКсынын жаңы соода-логистикалык борбору катталды. Кубаттуулугу 500 тонналык объект мөмө-жемиштерди жана желектерди (ягода) тез тоңдуруучу (шоковая заморозка) жабдуулар менен камсыздалган жана аларды сактоого багытталган.