Бишкек шаарында кичи автобустун айдоочусу баңгизатка мас абалында каттамга чыккан. Бул тууралуу Патрулдук милиция бөлүмүнөн билдиришти.
Маалыматка караганда, Патрулдук милициянын кызматкерлери кичи автобустардын айдоочуларынын канында баңгизат бар-жогун, техникалык тейлөөдөн өткөнүн, транспорттун санитардык абалын текшеришти.
«Наркология жана техникалык тейлөө бөлүмүндө текшерүүдөн өтпөй калган айдоочулар аныкталды. №575 кичи автобустун айдоочусу баңгизатын чегип алган. Протокол түзүлүп, унаа убактылуу токтоочу жайга киргизилди», — деп айтылат маалыматта.
Мындан тышкары, терезелери караңгылатылган троллейбустар табылган. Рейддин жыйынтыгында 110 миң сом айып пул салынган.
Бардык жаңылыктар Телеграм каналда
