Бишкек шаарынын 5-кичирайонунда унаа токтоочу жай курууга бөлүнгөн жерге көп кабатуу үй салынган жатат. Бул тууралуу Жогорку Кеңештин депутаты Дастан Бекешев өзүнүн «Телеграм» каналында билдирди.
Эл өкүлүнүн айтымында, 2009-жылы 5-кичирайондогу 15 сотых жер тилке унаа токтоочу жай куруу үчүн 49 жылга ижарага берилген. Бирок 2015-жылы унаа токтотуучу жай курулбастан аталган жер тилкеге көп кабаттуу турак жайдын курулушуна уруксат берилген.
«2020-жылы ижара акысы кымбаттап, кошумча келишим түзүлгөн. 2024-жылы архитектура жер астындагы унаа токтотуучу жайлары бар 12 кабаттуу турак жайдын долбоорун бекитип берген. Бул жерде документтер эле эмес, акча да иштеди окшойт», — дейт Бекешев.
