Байгазы Кенжебаев Биатлон федерациясынын президенти болуп дайындалды. Бул тууралуу Спорт жана дене-тарбия агенттиги кабарлады.
Байгазы Кенжебаев Кыргызстандын эмгек сиңирген машыктыруучусу жана меценат. Ал 2010-жылы Дене тарбия жана спорт агенттигинен директорунун орун басары, 2012-2013-жылы директору болуп иштеген. Ошондой эле кыз-келиндер күрөшү боюнча улуттук курама команданын машыктыруучусу болгон.
Ал эми буга чейин Биатлон федерациясынын президенти болуп Бөкөнбай Казаков иштеп келген.
