«Эл Ынтымагы» кыймылынын мүчөсү Азамат Мусакеев үй камагына чыгарылды. Бул тууралуу жактоочу Бактыбек Жумашев билдирди.
Анын айтымында, мындай чечимди Биринчи Май райондук соту чыгарды.
“Муну менен бардык айыпталуучулар эркиндикке чыгышты. Менин жактоочуларыма коюлган айыптар негизсиз деп эсептейм. Иш жүзүндө “Эл ынтымагы” кыймылынын бийликти басып ала турганы боюнча бир дагы далил табышкан жок”, — деди ал.
2021-жылы бийликти күч менен басып алууга шектелип, «Эл ынтымагы» кыймылынын өкүлдөрү — Бакыт Жетигенов, Бекназар Купешов, Азамат Мусакеев, Нурбек Калекеев кармалып, алар камакка алынган болчу.
