Унаа кырсыктарын алдын алуу максатында 8-июлдан 3-августка чейин өлкө боюнча жүргүзүлгөн рейдде жол эрежелерин бузган 86 миң 264 айдоочу аныкталган. Бул тууралуу ИИМдин Жол кыймылынын коопсуздугун камсыздоо башкы башкармалыгы билдирди.

Маалыматка ылайык, бул убакыт аралыгында мас абалында унаа башкарган 1185 айдоочу кармалган. Ошондой эле автоээнбаштык жасаган 283 айдоочу, каршы тилкеге чыгып айдаган 1753 айдоочу аныкталган.

Мындан тышкары 326 айдоочу тийиштүү докумменттери жок унаа башкарган, ал эми 533 айдоочу унаа терезелерин мыйзамсыз караңгылаткан.

Жыйынтыгында, жол эрежелерин одоно бузгандыгы үчүн 6 миң 555 унаа айып короо жайына киргизилген.