Бишкекте мас айдоочу жол кырсыгына учурады – натыйжада 38 жаштагы эркек киши каза болду. Бул тууралуу Reporter.kg сайтына Кайгуул милиция кызматы билдирди. Кырсык 27-ноябрда түнкүсүн Фрунзе жана Корсаковтор көчөлөрүнүн кесилишинде болгон.

Посмотреть эту публикацию в Instagram

Публикация от Reporter.kg (@reporter_kg)

23 жаштагы А.А., Mercedes-Benz E320 унаасынын башкарып, жол чырактын алдында токтоп турган Honda Civic унаасын катуу ылдамдык менен барып сүздү. Натыйжада экинчи унаанын 38 жаштагы айдоочусу окуя болгон жерде каза болду. Милициянын маалыматына караганда, 23 жаштагы айдоочунун айдоочулук күбөлүгү жок болгон жана кырсык учурунда ал мас абалында болгон.

Айдоочу Бишкек ШИИБдин убактылуу кармоочу жайына киргизилди, унаа айып токтотуучу жайга жөнөтүлдү. «Автотранспорттук каражаттарды башкаруу жана пайдалануучу эрежелерди бузуу» беренеси боюнча кылмыш иши козголду. Бардык керектүү экспертизалар дайындалды.